دخول

المواضيع الأخيرة

» شركة تسليك مجاري بالرياض 0509502506
موروثات العرب بين القديم والحديث بين اهل البدو بالشام عامه Empty

الجمعة 17 فبراير 2023, 6:42 pm من طرف شوشو محمود محمد

» صيانة دفايات بالرياض 0509905574
موروثات العرب بين القديم والحديث بين اهل البدو بالشام عامه Empty

الأربعاء 01 فبراير 2023, 7:39 pm من طرف شوشو محمود محمد

» شركة تسليك مجاري بالرياض 0509502506
موروثات العرب بين القديم والحديث بين اهل البدو بالشام عامه Empty

الأربعاء 01 فبراير 2023, 7:32 pm من طرف شوشو محمود محمد

» شركه صيانه افران بالرياض ٠٥٠٩٥٠٢٥٠٦
موروثات العرب بين القديم والحديث بين اهل البدو بالشام عامه Empty

الجمعة 18 مارس 2022, 6:15 am من طرف شوشو محمود محمد

» شركه تنظيف مكيفات بالرياض ٠٥٠٩٥٠٢٥٠٦
موروثات العرب بين القديم والحديث بين اهل البدو بالشام عامه Empty

الجمعة 18 مارس 2022, 6:11 am من طرف شوشو محمود محمد

» صيانة افران بالرياض تنظيف افران بالرياض 0509905574
موروثات العرب بين القديم والحديث بين اهل البدو بالشام عامه Empty

السبت 28 أغسطس 2021, 1:58 pm من طرف شوشو محمود محمد

» شركة تعقيم بالرياض تعقيم منشات بالرياض 0509502506
موروثات العرب بين القديم والحديث بين اهل البدو بالشام عامه Empty

الجمعة 19 فبراير 2021, 6:49 pm من طرف شوشو محمود محمد

» صيانة دفايات غاز بالرياض صيانة افران بالرياض 0509502506
موروثات العرب بين القديم والحديث بين اهل البدو بالشام عامه Empty

الثلاثاء 16 فبراير 2021, 7:57 pm من طرف شوشو محمود محمد

» سباك بالرياض تسليك مجاري كشف تسربات بالرياض 0509502506
موروثات العرب بين القديم والحديث بين اهل البدو بالشام عامه Empty

الإثنين 08 فبراير 2021, 6:43 am من طرف شوشو محمود محمد

» شركة مكافحة حشرات بالرياض رش مبيدات صحة عامه 0509502506
موروثات العرب بين القديم والحديث بين اهل البدو بالشام عامه Empty

الإثنين 25 مايو 2020, 9:09 pm من طرف شوشو محمود محمد

» شركة تنظيف مكيفات بالرياض0509502506
موروثات العرب بين القديم والحديث بين اهل البدو بالشام عامه Empty

السبت 29 فبراير 2020, 6:57 am من طرف شوشو محمود محمد

» شركة تنظيف مكيفات بالرياض0509502506
موروثات العرب بين القديم والحديث بين اهل البدو بالشام عامه Empty

السبت 29 فبراير 2020, 6:56 am من طرف شوشو محمود محمد

» صيانة افران بالرياض تنظيف افران 0509502506
موروثات العرب بين القديم والحديث بين اهل البدو بالشام عامه Empty

السبت 29 فبراير 2020, 6:52 am من طرف شوشو محمود محمد

» شركة مكافحة حشرات بالرياض رش مبيدات صحة عامه 0509502506
موروثات العرب بين القديم والحديث بين اهل البدو بالشام عامه Empty

الجمعة 05 يوليو 2019, 7:32 pm من طرف شوشو محمود محمد

» تنظيف موكيت تنظيف سجاد تنظيف كنب بالرياض 0509502506
موروثات العرب بين القديم والحديث بين اهل البدو بالشام عامه Empty

السبت 01 يونيو 2019, 6:19 am من طرف شوشو محمود محمد

أفضل 10 أعضاء في هذا المنتدى

LENA

موروثات العرب بين القديم والحديث بين اهل البدو بالشام عامه I_voting_bar

ابو عاصم

ابوشادى

المتواجدون الآن ؟

ككل هناك 160 عُضو متصل حالياً :: 0 عضو مُسجل, 0 عُضو مُختفي و 160 زائر

لا أحد

[ مُعاينة اللائحة بأكملها ]

أكبر عدد للأعضاء المتواجدين في هذا المنتدى في نفس الوقت كان 860 بتاريخ السبت 21 سبتمبر 2024, 2:43 am

احصائيات

هذا المنتدى يتوفر على 32870 عُضو.
آخر عُضو مُسجل هو M ASEM فمرحباً به.

أعضاؤنا قدموا 25246 مساهمة في هذا المنتدى في 12443 موضوع

سحابة الكلمات الدلالية

مكافحة تنظيف شركة حشرات

بحـث

المواضيع الأكثر نشاطاً

أثبت حــضـــــــــــورك ...أشراف ابو عاصــــــــم

مدرسة الحزن

إضحـــك مع الشـــعب المصـــرى ودمـــه الخفـــــيف الرجاء التواصل من الجميع

المقابله الثامنة....... ابو شادي معنا تحت الاضواء

مدرسة الفرح

لكل من يجد فى نفسه المقدره على الاشراف فليتقدم ..اشراف ابو عاصم

المقابلة السابعة مع الأخ ابو عاصم معنا تحت الأضواء

مدرسة حب الله

امتحانات وزارة الصحه الاماراتيه للصيادلة............

المقابله الرابعه مع الاخت ملاك العرب ايمي

مواضيع مماثلة

منتدى كل العرب :: منتدى ارض الرجال (بيـــــت العــــــــرب) :: عـــــادات وتقـــاليد

شاطر |

موروثات العرب بين القديم والحديث بين اهل البدو بالشام عامه

كاتب الموضوع

رسالة

قطرى وافتخر
مشرف منتدى ارض الرجال

عدد الرسائل : 1009
العمر : 49
تاريخ التسجيل : 17/04/2010

موروثات العرب بين القديم والحديث بين اهل البدو بالشام عامه Empty

موضوع: موروثات العرب بين القديم والحديث بين اهل البدو بالشام عامه

الأربعاء 05 مايو 2010, 2:10 am

sheto.ahlamontada.net موروثات العرب بين القديم والحديث بين اهل البدو بالشام عامه Totop

احد اعمده ااثقافه العربيه

بين الأمس واليوم

التعليق الصوتي: هذا المشهد نراه في حرم الجامعة الأميركية كلية الزراعة في حوش سنيت في البقاع اللبناني، والحديث يجري بين العميد المشارك للكلية الدكتور رامز ريق وحمرا عن بحث يعملان عليه منذ أشهر عن حياة البدو تاريخهم في لبنان، تحديد وتغييرات واقع هذه المجموعات، لماذا حمرا؟ لأنها بدوية، وما هي المفارقة حمرا هي الوحيدة بين نساء جيلها التي اكتسبت العلم وأكثر من ذلك وهو حدث نادر بالنسبة للبدو تلقت دروساً جامعية وحظيت على شهادة في الأدب العربي.
حمرا أبو عيد: أنا عم بعمل بحث مع الدكتور رامي عن حياة البدو، كيف كانوا يتنقلوا؟ منين إجو؟ كيف استقروا؟ هيدا الشغل عم بشتغله.
التعليق الصوتي: أنت بدوية؟
حمرا أبو عيد: إي بدوية وإلي الشرف إني كون بدوية، كانوا يقولوا لأبي ليش بدك تبعتها على المدرسة؟ بكرا بتصير بتكتب مكاتيب لحبيبها وهيك بتوصله معلومات، بيقول لهم لا أنا كثير أبي كان موظف بالجامعة الأميركية هون أول ما بلشت الجامعة تنبنى هو بلش يشتغل فيها، انفتح صار يشوف تلاميذ، العلم، الإنسان بذاته بحب للعلم يعني شي تطور، شي يكتشف عنده حب للاكتشاف إذا أمي ولا بدوي ولا مين ما كان عنده غريزته يكتشف يتعرف، فشاف إنه في مجتمع إنه ناس عم تتعلم تلاميذ بنات عم يجوا من بيروت، حتى من دول غير بيروت كانوا يجوا من دول برا يتعلموا هون، كان يخبرنا أبي من أميركا من دول كل الدول يجوا عالجامعة، فصار عنده شوي انفتاح يقول لهم لا بدي علمهم لأولادي كلهم، بس أخوتي طبعاً يتركوا يصلوا لصفوف رابع أو خامس يتركوا وأنا كملت.
د. رامي زريق (باحث في الجامعة الأميركية في لبنان): من الملفت طبعا أنه بلبنان الأقلية من الناس اللي بيعرفوا عن العرب ونحن نعيش حياتنا ونمضي فيها أهل المدن وسكانها وحتى الفلاحين منا ما منشوفهم، أو نخلطهم مع كل مع جماعات أخرى يعني نتكلم عن العرب أو بنشوفهم وبنخلط بينهم وبين أي شخص يعيش ببيت معمول من قماش، أو معمول من زينكو أحياناً.
التعليق الصوتي: من هم في الحقيقة البدو؟ وأين يعيشون؟ وما هي مصادر رزقهم؟ حمرا استجابت لطلبنا فقادتنا برفقة الدكتور رامي زريق إلى بني قومها إلى عشيرة عرب أبو عيد، وفي طريقنا إليهم شاهدنا مجموعات سرعان ما فهمنا أنها ليست من البدو فهنالك العمال الموسميون الذين يأتون من سوريا للعمل في مجال الزراعة في أراضي سهل البقاع الواسعة، وهم يقطنون الخيم، وهناك النور أو الغجر وهؤلاء غالباً أيضاً ما يخلطهم اللبنانيون مع البدو بالرغم من الاختلاف الكبير في الجذور، الانتماء، في طريقة الحياة، والمبادئ المعتمدة فيها، وها نحن نصل عند البدو هم رحل، السكان الأصليون للبادية يعني المنطقة الواقعة في شبه الصحراء العربية التي تمتد من السلسلة الشرقية في لبنان إلى الجزيرة العربية مروراً بالعراق وحتى اليمن، سكان البادية كانوا يتنقلون بحثاً عن المراعي في البداية على الجمال، يطلقون على أنفسهم تسمية عرب وهي الكلمة التي تسبق دائماً اسم العشيرة التي ينتمون إليها، فحمرا مثلاً تنتمي إلى عشيرة عرب أبو عيد.
- هلأ نحن عشيرة أبو عيد من مرجعنا مرجعنا الله يرحمه طراد الملحم، طراد الملحم خلف تامر وعبد العزيز وهلأ تخلف كمان عبد العزيز وتامر بشباب نواف وطراد، ما بيسموا كل واحد مثلاً بيسمي على جدوده ليضل التراث هو ذاته.
- نتميز بطرشنا بغنمنا اللي عنا، كل واحد عنده شلعة غنم يكون عنده فرس خيل، عنده جمال أحواله منيحة يعني هي تتميز إي، نحنا أساسنا جايين من الجزيرة العربية إجا جدنا من الجزيرة العربية إجا لهون من نجد إجا لهون عالمنطقة هي، زلمة براسه إجا من الجزيرة العربية من نجد إجا لهون وصّل لهون على قبيلة بيقولوا لها العيدين مشرق بالشتوية على سوريا على الصحراء، نرحل على الجمال نشيل على الجمال ونشرق عالبرية، نمضي كل الشتوية بالبرية في أول الصيف نجي على لبنان بنمضي كل الصيفية بلبنان، بأول الشتاء هون يصير برد، يصير ثلج، يصير برد هون ما فينا نهدي هون وين نشيل؟ نشيل على الشمال ونشرق على سوريا على البرية على الصحراء نسكن بالصحراء مثل ما قال أبو علي ننصب بيوت شعر ونقعد بالبرية، هلأ بالبرية هونيك غنمنا ترعى بهالصحراء لا بنحط علف ولا بنطعمي ولا بنشتري مي ولا بنشتري علف، بتلاقي الغنم سارحة بهالبر وهالمية من الشتاء تشتي الدنيا وتجمع بهالبرد، وهالغنم تشرب وتسرح بهالبرية، بالنهاية تعبنا كثير بهي الشغلة صار في تعب في مشقة أنه بالشتاء بدنا نشرق وبالصيفية بدنا نغرب صار فيه مشقة، شو بدنا نعمل؟ والله بدنا نعمر يا عمي اللي بيعمر أحسن وبيرتاح وبيقعد ببيت حجر وأريح وأحسن، والله هون صرنا نبيع الجمال بعنا الجمال وصرنا نبيع من الغنم وصرنا نشتري أرض وصرنا نعمر، هلأ شو عم نقول نحنا؟ عم نقول سقا الله على أيام كنا نشيل على بيت العرب، لو ضلينا نشرق على بيت الشعر وعلى الجمل أريح، أريح كيف؟ نفسياً، يعني اليوم أنا قاعد هون أنا والدكتور ما اتفقنا اختلفنا أنت عم تعمل كذا مش منيح لأ قربت عليّ، لأ تعديت عليّ الصبح بحمل أغراضي على جملي وشيل لوين؟ لعند الأخت أنا بنبسط عند منها برتاح عند منها، بخيم حد منها وبقعد، هلأ ما عد فيني هلأ، هلأ أنا حطيت مبلغ كذا بالعمار صار عندي عمار وصار عندي كذا ما عد فيني فل، كان أريح بالأول.
- هلأ قديم كنا عرب نرحل وننزل صار مشكل ما بدنا نقول لك.. بهالمنطقة.. بس ما بدنا نسمي هلأ يوم إنه صار مشكل هجموا أهل الضيعة على هالعرب بيفزوا بيقولوا هم: يا بدوي لا تعاند مين قال وفعل شو جاوبته أنا؟ قلت له يا أخوي لا تعاند مين هدى ورحل، الفلاح ما يقدر يشيل البناية بيت الشعر دغري نضبه ونرحل، هذه عوايدنا الكرامات اللي يوم إنه إنسان بده يتعدى على كرامتنا ما نساوم على كرامتنا، ولهلأ ما بنساوم.
- هلأ بدك تساوم شوي.
- لا مو يعني.
- لأنه البيت الحجر عم يجبرك ما فيك.
- بس أنه بيت الشعر حقيقة يعني وده يحمل الإنسان ما يقدر يساوم، ولكن يمكن يسمح.
بس عاوز صوبية أنت.
- بيمضوا كذا شهر بحوران بجيب كل بيت بجيب أربع أو خمس كياس عشر كياس قمح، بترجع على المونة اللي هي بالبيت من الغنم، هلأ نحنا ما كان في جبنة وكان في قشطة، كان من قبل بيعملوا سمن من الغنم ويعملوا لبن من الغنم وكشك وبيأمنوا المونة، التقاليد العربية الأصيلة بعدنا الحمد لله محافظين عليها، ليكي نحن كيف كنا قبل نقعد الرجال بتقعد هون عند القهوة، والنسوان قاعدة بالبيت هونيك، ممنوع مرة تبرم وتجي عند الرجال، بده شي صاحب البيت صاحب البيت بده يقوم لحاله ويطلب منها غرض بتناوله ياه من وراء الحديدة ما بتجي لهون ما بتفوت لعند الرجال، وبعدنا لهلأ الحمد لله محافظين على هذا التراث ما بنغيره ولا بأي شكل أبداً.
[فاصل إعلاني]

عادات وتقاليد موروثة

- يعني مثلاً في عادات ثانية ما بتقدر تقطع من قدامه، شوف العادات البدوية شلون؟ ما قطعت من قدام الزلمة قطعت من وراه لأنه عيب، هذه العادات ما بتصير.
التعليق الصوتي: الرجال بيقطع من قدام المرة؟
- إي، الرجال بيقطع.
التعليق الصوتي: الرجال بيقطع من قدام المرة، بس المرة ما بيصير تقطع.
- عكس ما عندكون أنتم، أنتم يوم تجي المرأة بدها تمشي قدام الزلمة بالمجتمع بالمحل، عندنا في عيب وانتقاد في عيب وانتقاد مش شغلة حرية أو والله أنا بالبيئة، هلأ أنا إذا بدي فوت على مجتمع أو محل وبتفوت مرتي قدامي وفي حدا من ربعي وكذا ما عاد يحترموني ولا بيقدروني، أنا الرجال وأنا اللي بدي فوت بالأول والصدر إلي، المرأة إلها احترام بمحل وأنا إلي احترام بمحل تاني، ولا ممكن المرأة تتقدم على الرجل عنا، بدها تضل هي الوضع القاسر بالنسبة للأمور، هلأ في مجتمع ونحن بيسموها ديوان هذا عند البدو بهالخيمة العربية، ومن هون مشرة على الربعة ومفتوح كل شي، نفذت بنت عربية وجاية على البيت بس تشوف الرجال تحيد على جنب تضل تحيد لتجي تلف من وراء البيت وتفوت على المحرم وما تخلي الرجال يشوفونها، إذا ودت تدخل افترضي هي والرجال اللي إلها ودها تفوت على المجلس، ما تفوت يفوت الرجل وهي تسأل المحرم وين؟ وتعدي عليه، ولم يزل عند الأولين بنفس عشايرنا بعدها التقاليد هذه موجودة، ولا ممكن المرأة تتقدم على الرجل، شوفي الحجة أنا من جيل ولادها بس هي محافظة على التقاليد، ما تعدي من قدامي حتى ما حدا ينتقدها ويدل عليها بعدها على الأصول الأولي، وعلى التقاليد الأولية.
التعليق الصوتي: بس كيف تفسر أنه حمدة قاعدة معنا هلأ؟
- إي حمدة قاعدة معاك.
- إكراماً إلك لتوجبك، لأنك أنتي جاية زايرتها ضيفة والضيف بده يتكرم، هلأ نحن عوايدنا البدو مين تجون من ساعة تجون الذبيحة بدأت إكراماً لوجه الله وللضيف، لأنه الضيف ضيف الله وأنتم هلأ ضيوفنا ويا مية أهلاً وسهلاً فيكم، بدها تكرمك أختك أم علي.
التعليق الصوتي: يعني أنتِ بتمثلي الجيل الجديد، أنتِ راضية عن هالتقاليد مثلاً أنت بعدك بتحترميها هالتقاليد؟
- إي كتير بحترمها في تقاليد كتير كتير بحترمها وبحاول أنا متمسكة فيها وبعود أولادي عليها، وفيه تقاليد اللي مش ضرورية بحسها أنه هي صارت قديمة كتير وأصلاً غلط يمكن من حيث المبدأ بتركها.
التعليق الصوتي: فضة العجوز تبنت هذه الأعراف والتقاليد أصبحت جزءاً لا يتجزأ منها بل أضحى كل تفصيل من تفاصيل كيانها الجسدي والمعنوي والروحي يجسد المعنى الحقيقي لما هم البدو، حتى الوشم والرسوم على وجهها فلها معانيها.
فضة: يعني شلون هالبنت هلأ بهالوقت شايلة أواعيها الحمرة وتبع العيون ويعني التحسن، نحن كنا هذا عندنا التحسن أحلى شي هذا كله، تجي النورية نعطيها مصاري وتضع لنا، أنا ضليت جمعة ثمان أيام ما يدخل بفمي غير الحليب تورم هيك، مطارح يعني ملدوعة عن بعضها اشتغل هيك من صار ما عد يسوا، ليش؟ من الجهل، هذا عنا نحن ذوقنا هذه شغلتنا واللبس..
- البنت اللي ما بتعمل هيك ما هي حلوة.
فضة: واللبس أكثره أحمر أخضر يعني من هالأشياء هذه، هذا شغلة يعني يوم كنا ندق هذا جاهلين لبس أخضر أحمر أزرق.
التعليق الصوتي: يعني مثل حمرا كنتم تلبسوا.
فضة: هذا ما كنا نشتري في هيك يوجوج بس هلأ لما صرنا بهالسن هذا ما عد يلوقلنا اللبس هداك، لبس الكمان مشان العالم تأخذ لنا احترام مثل أنتم، الآن لو إني لابسة موجوج يعني لا بعينكم ولا بعين غيركم أطلع.
التعليق الصوتي: شو أسمائهم هدول الوشم؟
فضة: يعني هي حب المستعجل يعني بوسة المستعجل بده يبوس ويفل يعني، وهو ماشي يعني.
- يعني ما يقعد يضل ماشي
التعليق الصوتي: أبو علي عبد الله، أم علي حمدة، أبو أحمد شحادة، علي راغب الطنوسي، تعرفنا على قوم كنا نجهل حتى وجودهم وهم أكبر عشيرة بدو في لبنان.
- الأمير علي العبد الله عامليني أمير عينا الشيخ أمير، الشيخ عبد العزيز يعني نحن كنا.. أمير القبيلة تبعنا هو الشيخ عبد العزيز وتامر الملحم، فهلأ هو ما له متواجد بكل الأثناء لحل المشاكل وللوجاهات وكذا، بيكون عندي عمي أكبر من بيي صرنا نمزح قلنا له لعمي بتقبل إنه هي العباية هي التراث يعني للأكبر لمين بتتنازل عن هالعباية اللي لابسها؟ عمي الله يرحمه توفى أبو حميد، فقال أنا مختار أبو حسين عبد الله الأمير، قام الشيخ شالها عن كتاف عمي ولبسني ياها، هلأ شوفي مشكلة شوفي قصة بنحط الأمير هو بيحل على الشيخ الكبير.
- والشيخ وين موجود؟
- الشيخ موجود حالياً في سوريا في السعودية، بضل بيته مستقر بحمص بالبيضة.
التعليق الصوتي: علي هو زوج حمرا هو شيخ القبيلة حالياً، يفتخر بجذوره، يتمسك بهويته البدوية، ولكن هل هو خائف عليها؟ هل هو قلق على ذوبانها تدريجياً؟ هل يخشى أن يتحول مع الوقت من بدوي إلى فلاح أي إلى حضري بما تحمل هذه الكلمة من معاني لا تمت بصلة إلى ثقافة البدو؟
- عم تذوب تدريجياً نعم هذا اللي بدنا نوصله، يعني كذا سنة ما بيتم إلها أثر.
التعليق الصوتي: يعني هي هلأ..
- في ابني أنا ما بيتعرف على تقاليدنا بده يجي ابن ابني فلاح 100%.
- التقاليد العربية الأصيلة الأولية ترى والله صار نقص منها عندنا صار فيها نقص، كيف صار فيها نقص؟ صار فيها نقص بالأول كانوا ما بياخذوا إلا من العشيرة ما في، بنت العشيرة بده ياخذها للعشيرة ما بتطلع لبرا، بنت العم بده ياخذها ابن عمها ابن خالها من قبيلتها من القبيلة، وأكثر شي ولد العم أكثر شي ولد العم اللي بده ياخذ بنت عمه، هذه كانت شغلة محسومة يعني ما فيها بحث أبداً لو يجي مين ما إجا، لو إجا بوش من القبيلة ما بيعطوه، إي هذه التقاليد هلأ بعد ما عمرنا واستقرينا وصرنا هون بهالوقت هذا والله يا عمي هلأ بياخذ على كيفه كل واحد بده ينقي الست الحلوة النشمية الزينة البيضا ما عاد رد لا على قبيلة ولا رد على شي.
- عن إذنك شوي أنا هالحين ودي أضل أنا مين ما يسألني شو أنا؟ أنا بدوية.
- الأساس بدك تضل بدوي.
- أنا أنكر أصلي شي؟ أنا مية مرة ياخذوني على بيروت يي لابسة هي، أنا إذا بملكوني بيروت كلها هذا شرفي وتاجي ما أرميه.
- إحنا يا طويل العمر عم تقول لك أنا بدي ضل بدوية وبدي ضل عصمتي ماشية، بس بنتها عم تربط شعراتها لورا وتروح عالمدرسة عاملتهن هيك ورابطتهم.
- بس ما تنكر أصلها.
- خد مني المزبوط بعد عقدين من الزمن ولا في عرب بدو ما في.
التعليق الصوتي: شهر مضى على زيارتنا إلى بيت الشعر أي إلى مكان إقامة عشيرة أبو عيد خلال فصل الصيف فقط، قصدنا بعدها حمرا وعلي إلى مكان إقامتهما الدائمة.
حمرا أبو عيد: أهلاً وسهلاً أهلاً من إذاعة العربية جاية لعنا ضيفة مية أهلاً وسهلاً، كيفك؟
التعليق الصوتي: شو هالدكانة الحلوة؟
حمرا أبو عيد: ميرسي ميرسي.
التعليق الصوتي: أنتِ بتديريها.
حمرا أبو عيد: إي.
التعليق الصوتي: إي وقت بتكوني مشغولة بالجامعة مين؟
حمرا أبو عيد: عادي زوجي بيقعد محلي.
التعليق الصوتي: بس شو الفرق بين هون؟
حمرا أبو عيد: الكل بيقعدوا محلي، يعني بس تكون بنت عمي بتقعد، تكون أختي بتقعد، الفاضي بيقعد الكل ببيع إذا واحدة جاية تشتري وكنت مشغولة بتبيع عني، إذا حدا جاية لعندك زيارة ما بيقول لك قبل بوقت، ساعة اللي بيجي بيفوت شو ما يكون عندك شغل أنتِ بدك تستقبليه بدك تتركي كل الشغل وتستقبليه.
التعليق الصوتي: حمرا وعلي استقرا مع أولادهما الثلاث في بيت من الحجر كأغلبية عشائر البدو في لبنان، ولكنهما حافظا على عادات وتقاليد بدوية أهمها حسن الضيافة، الكرم، والجلسة العربية، حمرا سعيدة في بيتها في عملها نشيطة تحب الحياة متعلقة بجذورها، شعور ورثته من والدها ووالدتها وهما يعيشان على بعد كيلومترات منها في بلدة مجاورة.
والدة حمرا أبو عيد: والله تغير عليّ الجو جربت.
حمرا أبو عيد: الحمد لله.
والد حمرا أبو عيد: كيف أولاد عمي عندك؟ كلهم بخير.
حمرا أبو عيد: والله مكيفين خاصة ابن عمك عبد الله.
والد حمرا أبو عيد: عبد الله كيف هو؟
حمرا أبو عيد: غير شكل، مكيف.
والد حمرا أبو عيد: عبد الله بيضل مكيف وبيضل مبسوط إي. حمرا كيف الجامعة؟ عم تروحي عالجامعة؟
حمرا أبو عيد: إي عم روح.
والد حمرا أبو عيد: إي الحمد لله.
والدة حمرا أبو عيد: فضلها عالكل الجامعة عالكل فضلها لولا الجامعة لا عيشنا ولاد ولا حطينا حيط على حيط، عرضت على جارتها بدها ياها تعلم جامعة أربع سنين، أربع سنين بهالجامعة أربع سنين ويعني إجا أبي عطاها لابن عمها غصباً عني قلتله لتكفي أربع سنين قلي معلش علي بيعلمها، سنتين عنا..
والد حمرا أبو عيد: كفت سنتين عندنا، وإجو بيت عمها بدن ياها، قالوا نحن بنخليها تكفي، وقال شو فيني ساعدكم أنا حاضر، وخليها تتعلم السنتين اللي بعدهم.
والدة حمرا أبو عيد: شرطنا عليهم شرط وقفت الأولاد لكفت السنتين..
التعليق الصوتي: شرطتوا إنه تكفي تعليمها.
والدة حمرا أبو عيد: ما بتاخذوها لتكفي إحنا بدنا نعلمها، قالوا نحنا نعلمها وزيادة.
التعليق الصوتي: إذا البدو استقروا وباتوا من الحضر فمصدر العيش الرئيسي يبقى الرعي، الغنم رأسمال البدو الأساسي هذا التقليد المتجذر الذي سمح للبدو بتطوير حياتهم وتحسينها، بتملك الأراضي وتشييد المنازل وحتى المعامل، ابن عم علي من المرعى إلى المعمل إلى تجارة الأجبان والألبان، المحافظة على حضارة، حماية الثقافة، وتحسين واقع جماعات هذه الحضارة، وذلك عبر أعمال تنموية مهدفة صائبة هذا هو الهدف الذي تصبو إليه الجامعة الأميركية في البقاع وهذا هو حلم حمرا البدوية.
sheto.ahlamontada.net
قطرى وافتخر

الموضوع الأصلي : موروثات العرب بين القديم والحديث بين اهل البدو بالشام عامه المصدر : منتدى كل العرب

ابو العيال
انا عربـــــــــي

عدد الرسائل : 3396
العمر : 51
تاريخ التسجيل : 07/10/2008

موروثات العرب بين القديم والحديث بين اهل البدو بالشام عامه Empty

موضوع: رد: موروثات العرب بين القديم والحديث بين اهل البدو بالشام عامه الجمعة 07 مايو 2010, 7:21 pm

مشكور اخى بارك الله فيكم الموضوع الأصلي : موروثات العرب بين القديم والحديث بين اهل البدو بالشام عامه المصدر : منتدى كل العرب

موروثات العرب بين القديم والحديث بين اهل البدو بالشام عامه

مواضيع مماثلة

» الفصل الاول:ملامح عامه للبيئه الصوماليه .. موسوعه بيت العرب للاوطان
» حركات جنان بجيوب الجينز القديم
» احلى ابيات وقصائد الحب والغزل بالشعر العربى القديم

صفحة 1 من اصل 1

صلاحيات هذا المنتدى:

لاتستطيع الرد على المواضيع في هذا المنتدى

منتدى كل العرب :: منتدى ارض الرجال (بيـــــت العــــــــرب) :: عـــــادات وتقـــاليد