......................................( بالعاميه المصريه)
خمسين سنه
كانت رمله الخُضره اللي انت شايفها دي
كانت رمله
وقعدنا عملنا دروه أنا و «ام علي»
كنا نشتغل اليوم كله
ونفر نلاقي حتة ضل
أحلى ما يعمل إنسان في حياته يا ولدي
يزرع ضل
أحلى ما تحس
لما الضل اللي زرعته
تشوفه مرمي على وشوش الناس
من شجره زارعها
من حيط مبني
أربع حروبات عدوا عليَّ
فى الحتادي يا ابني
ألمان.. إنجليزيين.. أحباش
إيشي قنبل.. وإيشي طيايير
ـ بتخاف يا با براهيم؟
ـ أنا عمري ما اخاف إلا من أم علي
أصل الرجاله في الدنيا يا ولدي صنفين:
دكوره حاميه.. ودكوره هاديه
أنا وانت دكوره هاديه
دي حريمنا لما تزعق
لو سمعتها الطيايير تهرب وتخاف
إيـــــه
أيام وتفوت
لو ما ضحكش اليوم كله.. يموت!
«عمري خمسه وسبعين
إحسبها لون
تلقى الأرض دي كانت رمل أصفر
وبِقت طين
طب أسيَّب عمري وأروح على فين؟
الواحد يمشي عشان ينجى بعمره
وانا عمري أهه.. في الأرض
قصاد عينك
كيف ح اخده معاي؟
يام علي.. لو تسمحي
يعني لو تسمحي
يعني من فضلك
سوي لنا كبايتين شاي»
الجمعة 17 فبراير 2023, 6:42 pm من طرف شوشو محمود محمد
موضوع: لو ما ضحكش اليوم كله يموت < عبد الرحمن الأبنودي > 
