جبل لبنان
شاعر منتدى كــــــــــل العــــــــــــرب
 عدد الرسائل : 512
العمر : 59
العمل/الترفيه : مراسل حربى _ صحفى
تاريخ التسجيل : 21/12/2008
 |  موضوع: ولا يهمك ياريس ..الشعب بياكل ببلاش{الشاعر .احمد فؤاد نجم} الأربعاء 14 أبريل 2010, 2:11 am | |
|
واية يعنى
ياريـــــــــــــ...
عملولك تاريخ وكأنك مش بشر
ما انت اللى حاربت وانت اللى انتصر
وانت المهدى وجمال المنتظر
ياريـــــــــــــ...
احنا احنا القضاء والقدر
متشغلش نفسك بينا
ولاتفكر فى لحـــظه فينــــا
يعنى اية شعب؟
ياريــــــــــــس تقدر تقول سيادتك
شوية حجر على حبة شجــر
اقول ياريس دول شوية بقــــر
احنا ياريس احنا حصانك
احنا مخلوقين عشانك
والنبى ياريس ماتشغل بالك بينا
ولافى يوم تفكر فينا
اغسل ايدك منا
احنا ذنبنا على جنبنا
ياريـــــــــــــ...
احنا مين احنا
علشان تتكلم عننا
ياريـــــــــــــ...
اية يعنى لما تجيب جمال
واية يعنى لما تحبس العيال
واية يعنى لما تركبنا ونقول كمان
ياريـــــــــــــ...
بيقولوا مش عجبهم المحاكم العسكريه
وقال عاوزنها ديمقراطيه
اما احنا شعب غشيم ولى بيفهم فينا بهيم
محدش منا عارفك كويس ده انت ياريس عمرك ماتهيس
يابو الطلعتين الطلعه البهيه واختها الجويه
وفيها ايه يعنى لما تعدل الدستور00وعمرهم يضيع فى طابور
مااحلى واحد منهم ان راح ولا جه طنبور
واية يعنى لما تسيطر على الجوامع والجامعات
واية يعنى انتخابات ومعدش فاضل كمان الا المحليات
واية يعنى لما تعاقب القضاة
مهو معاك انت النجاه
واية يعنى صفر المنديال
واية يعنى حقوق انسان
واية يعنى لما تحبس الاخوان
وتخرس المسيحى الحى منهم ولا اللى نام
واية يعنى لما تعين المعيد والعميد
مااحنا ياريس تحت رجلك عبيد
مهو اصل الناس اسياد وعبيد
وايه يعنى لما تكوينا بالحديد ده احنا حتى نربرب ونزيد
واية يعنى لما تحبس الصحافين
مهما فى الاصل شوية كدابين
وايه يعنى لما تعوس وشنا بالطين00وتدفنا واحنا عايشين
ده احنا بجد اللات القدب وحشين
واية يعنى تلفيق التهم واية يعنى معتقلين
واية يعنى لما فى المطار اول كلمة تنقال
المصريين يجو يمين00على جنب يقفوا محترمين
المصرى راح ولا جه ابن كلب حقير
ماتصدقهمش ياريس ايه يعنى البلد لما تتسرق
ولاتولع وتتحرق
ولاكام عماره تقع وبلى فيها تتحرق
واية يعنى كام الف مشروع فشل
واية يعنى لو الشعب انتحر
واية يعنى خطط خمسية
ويعنى ايه جامعه وشباب مستنى00وفيها ايه الثانويه
ومن الاساس يعنى ايه التعليه
مهو مهما يتعلم حيطلع بهيم ولما يتعب حياكل برسيم
ربنا يخليك لمصر ياريس00
ده انت لينا رمز النصر00
ده انت لينا رمز العزه..
.. ده انت كرامتنا ونورتنا
.. ده احنا من غيرك مساكين
.. ولانعرف نروح شمال ويمين
سيبك بقى من المعارضين حتى لو كانوا ملايين
واوعى من جرايد المستقلين دول حساله منتفعين وانت اول العارفين
مين اللى قال ان احنا سبع تلاف سنة حضارة
طب فين الامارة
مين اللى قال ان احنا عندنا
هرم ونيل
اكيد ناس متخلفين..مهما عارفين
وفهمين انك ياريس الاول والاخير
وفيها اية لما تلعب
جوالف ولا اسكواش
طب ما الشعب بياكل ببلاش
صحيح ناس ماعندهاش احساس
شعب مقرف صحيح
شعب ما يختيشيش
قال اية عايز يعيش
اسمع كلامى ياريس مفهاش حاجه لما نوصل الغاز لتل ابيب
لعشرين سنه وممكن يزيد ده يوم الهنا وميبقاش حد زينا
ويسلام لو رخيص حبتين ده احنا نحمد ربنا يرضوا بس عننا
مهما عارفين ده حلم كل المصريين واروح شهداءنا خير دليل
تعبت معانا ياريس ومعدش فاضل اللى شوية اعتصمات
وحبة اضرابات وشويه يعملوا مظهرات
اكيد ضول مش بنى ادمين دول شوية عيال ملهومش دين
واكيد اكيد مدسوسين من اللى حولينا الحاقدين
خروجهم كده ضد القوانين ومايقصرش على الملايين
متشغلش بالك بيهم دول كوم زباله حنربيهم
حكمتك ياريس معاهم استحملتهم كتير مهو انت الكبير
وفى الاول والاخر الكل يتمنا رضاك
ياريس اللى تحت ارضك واللى فوق سماك
حكمتك ياريس معاهم مهو انت ابوهم وامهم
وكمان خالتهم وستهم
وعمتهم وجوز امهم
انت عارف ياريس ان كل بيهواك
ولما بتبعد عنه بيستناك وبتتلخبط اموره ليوم رؤياك
واية يعنى لما يبقى مهندس
قاعد ببطتين فى السوق
واية يعنى لما يبقى مدرس
شغال على توك توك بيسوق
مع تحياتى للشاعر احمد فؤاد نجم
جبل لبنان
 الموضوع الأصلي : ولا يهمك ياريس ..الشعب بياكل ببلاش{الشاعر .احمد فؤاد نجم} المصدر : منتدى كل العرب
|
|
NENO
وردة كل العــرب
 عدد الرسائل : 265
العمر : 31
تاريخ التسجيل : 30/03/2010
| | موضوع: رد: ولا يهمك ياريس ..الشعب بياكل ببلاش{الشاعر .احمد فؤاد نجم} الخميس 15 أبريل 2010, 12:17 am | |
|
تسلم جبل لبنان علي قصيده استذنا احمد فؤاد نجم وفعلا قصيده جرئه جدا بس مغيرتش اي حاجه وهنفضل زي ما احنا محدش حاسس بينا ولابلجراح الي فينا وفعلا وايه يعني يا ريس
الموضوع الأصلي : ولا يهمك ياريس ..الشعب بياكل ببلاش{الشاعر .احمد فؤاد نجم} المصدر : منتدى كل العرب
|
|
جبل لبنان
شاعر منتدى كــــــــــل العــــــــــــرب
عدد الرسائل : 512
العمر : 59
العمل/الترفيه : مراسل حربى _ صحفى
تاريخ التسجيل : 21/12/2008
| | موضوع: رد: ولا يهمك ياريس ..الشعب بياكل ببلاش{الشاعر .احمد فؤاد نجم} الخميس 15 أبريل 2010, 1:00 am | |
|
راح اولك شىجميلتى الصغيره NENO
دايما بعد الليل لمن يفوت بيدهر نهار .. وبكون معو شمس بتنور كل الارض
صدقينى
لن يضيع حق وراءه مطالب
ولن تموت ارض وتجدب دام هونيك ناس عم يطلعوا للحريه والحب والتجديد
تسلمى انتى بنتى الغاليه NENO
جبل لبنان
الموضوع الأصلي : ولا يهمك ياريس ..الشعب بياكل ببلاش{الشاعر .احمد فؤاد نجم} المصدر : منتدى كل العرب
|
|
NENO
وردة كل العــرب
عدد الرسائل : 265
العمر : 31
تاريخ التسجيل : 30/03/2010
| | موضوع: رد: ولا يهمك ياريس ..الشعب بياكل ببلاش{الشاعر .احمد فؤاد نجم} الخميس 15 أبريل 2010, 1:06 am | |
|
صدقني يا بابا طلبنا كتير وقلنا كتير بس ولا شئ بتغير وتعبان ومطلبنا راحت ودم كتير راح وراء هذه المطالب ولكن من الاكيد ان سياتي هذا اليوم الذي تتحق فيه هذه المطالب بس امته اليوم ده ؟؟؟
الموضوع الأصلي : ولا يهمك ياريس ..الشعب بياكل ببلاش{الشاعر .احمد فؤاد نجم} المصدر : منتدى كل العرب
|
|
القيصر
قيصـــــر العـــرب
عدد الرسائل : 600
العمر : 41
العمل/الترفيه : شاعر
تاريخ التسجيل : 15/01/2010
| |
