يا ام الشهيد افلرحى
[center]يا ام الفدائى بالتحريرميدان الثوار
ابنك بيناديكى برساله من وسط النار
وبيقولك دمى يا امى فداء الدار
قومى انهضى قومى افرحى يا ام الفدائى
قومى زغردى قومى كبرى وطنك ده باقى
ابنك قدم روحه هديه وانا مش بقدم ابدا عزائى
ابنك مامتش ابنك عند الله من الاحياء
يام الفدائى ابنك بكلمة الحق قال
وطنى الغالى دايما حر وغير كده ما ارضى له حال
علشان عزته اكسر قيود اهدم جبال
ودمى كله ابدا ما يسوى من ارضه حفنة رمال
يا ام الفدائى ابنك قال كلمته
قالها وهو فى وسط النار اللى حصرته
وقالها وكانت النار دى جنته
وكان ايمانه بالله والوطن سر قوته
قومى افرحى قومى كبرى هى دى وصيته
دم ابنك مش هيروح هدر يام الشهيد
راح نشعلها نار وبدمنا راح تقيد
راح نحرر ارضنا الغاليه ونطهرها من جديد
ارضنا ارض الاحراروما كانت فى يوم ارض عبيد
يوم ما ينزف دمى على ترابها هكون سعيد
والحجر فى ايدينا هيكون باذن الله نار وحديد
ياام الفدائى نورالفجرو الحريه قرب وهل
ومسير الليل مهما طال الشمس عليه تطل
والحر مهما اشتد هييجى فى يوم الضل
واحنا بنكافح بدمنا ومستحيل يوم نمل
مودتى وتقديرى
جبل لبنان