ايمى
ملاك العـــــرب
 عدد الرسائل : 1082
العمر : 61
العمل/الترفيه : طباخه لجوزى
تاريخ التسجيل : 01/05/2009
 |  موضوع: من كلمات عبد الحمن الابنودى الخميس 10 فبراير 2011, 9:40 am | |
|
ميت ألف فرصه عشان أسيب مصر
ولا عمري سبتها
علشان هى بلادي اللي بجد بحبها
بحبها بكدبها وصدقها
بحب فيها أصالة وندالة أهلها
بحب فيها السهر
بحب زيفها وأصلها
بحب فيها طلعه الشمس
تنور وشها
بحب فيها القمر طالع
يغازل حسنها
بحب فيها المشي علي شط
نيلها وبحرها
بحب فيها بناتها
راسمين ملامح شعبها
دي بنت مايصة وحاطة
وردة فـ شعرها
ودي بنت جد ونازلة
جري لشغلها
هتلاقي فين بلد
فيها الكنايس والجوامع
بتحضن بعضها
مسلم مسيحي إخوات
راضعين طيبة من صدرها
نبع الحنان ويناموا حاضنين
أرضها
هتلاقي فين تاني بلد
كل حاجه فيها
تخليك تحبها
هتقولي ظالمه هقولك
برضو بحبها
هتقولي ضالمه
مهو ده سواد شعرها
هتقولي زحمه هقولك
علشان بنعشق أرضها
هتقولي فيها فساد
هقولك ده من طيبه شعبها
جرب كده تسهر ولو وحدك
علي ضف نيلها وحبها
جرب تشوف بنت حلوه
مع شاب واقف جمبها
بيحبها شايل في قلبه
هموم الدنيا كلها
وبرضو بيحبها
جرب كده تاكل دره وترمس
علي شطها
وتشوف وشوش الناس
وإضحك زيها
طب وإنت ماشي لوحدك
ووقعت في مشكلة
مش بتلاقي ألف واحد
جمبك بيحلها
لا تعرفهم ولا يعرفوك
بس جمعكم حبها
اهي هي دي مصر
زاحمة ظالمة
فاسده ضالمة مش مهم
ده كفايه خفت دمها
هأفضل لمصر أقول وأعيد
أنا أصلي عاشق أرضها
للامانه منقول ايمى(دى بلدى وبعشق ترابها دى امى الى انا مولوده من رحمها ) ايمى
 الموضوع الأصلي : من كلمات عبد الحمن الابنودى المصدر : منتدى كل العرب
|
|
ابو عاصم
مشرف المنتدى الاسلامى
المشرف العــــــــام
الكنج ابوعاصم
 عدد الرسائل : 2845
العمر : 65
العمل/الترفيه : معاون عميد معهد معلمين
تاريخ التسجيل : 06/05/2010
| | موضوع: رد: من كلمات عبد الحمن الابنودى الخميس 10 فبراير 2011, 7:12 pm | |
|
مشكووووووره اخت ملاك العرب ايمي
طرح جميل جدا
حفظ الله مصر وشعبها الصامد
الموضوع الأصلي : من كلمات عبد الحمن الابنودى المصدر : منتدى كل العرب
|
|
