سلام عليكم : اخواتى الامهات والانسات القمرات امهات المستقبل انا كنت بتصفح احد المواقع ولقيت فيه حاجة ماقدرتش انى مقولهالكوش طبعا احنا ماعندناش حاجة اهم من ولادنا الحلوين ربنا يكرمنا فيهم وكتير امهات مش بتعرف ازاى تلعب مع ولادها وتفيدهم وتعلمهم فى نفس الوقت مع ان شغلنتنا كامهات اننا نسليهم ونريحهم طبعا علشان كدة انا اخترت الموضوع دة لانه بيهدف لتنمية مهارات اولادنا من خلال اللعب انا هاقول لعبة لكل عمر وهدفها ايه وهانستفيد منها ايه واللى عندها لعبة تانية جربتها تقولها يارب الموضوع يعجبكوا وبانتظار تفاعلكوا طبعا
ودلوقتى هابدا اللعبة الاولى للنونو الامور اللى عنده اسبوع واحد بس تصدقوا دة بيفهم ؟؟؟؟
طبعا بيفهم وهاتشوفوا
اللعبة دى اسمها عرايس فى الصوابع وهدفها تنمى القوة البصرية للطفل وهى انك بتجيبى عرايس مممكن تتلبس فى الايد او تعمليها انتى من الكرتون وتحطيها فى صباعك الكبير وتنيميه على ظهره وتقربى العرايس لحد ماتحسى انه شايفها وتبداى تحركيها كانها بتكلمه واحدة ورا التانية كل مرو واحدة لوحدها وفى الاخر كلهم مع بعض لحد ماتبعديهم عنه ويبقى مش شايفهم



دى اول لعبة اللعبة التانية باه انك تقعدى ادامه بحيث تكونى فى مستواه وتبداى تعملى تعابير بوجهك وبين كل واحد والتانى تنتظرى هايقلدك ولا لا ولو ماقلدكيش ماتزعليش لانه بيخزن كل الحاجات دى وفيوم هايقلدك وتفرحوا سوا اللعبة دى برده بتنمى قدرته البصرية
انا بانتظار تجاربكم مع اطفالكم اللى يجرب لعبة يجى يقول نتيجتها وقولولى رايكوا واللى عاوزة لعبة لسن معين لحد سنتين تقول وانا احطلها مش مهم الترتيب عشان لكل اسبوع لعبة وماتستناش فترة طويلة وقولولى اكمل ولا كفاية كدة زهقتوا منى