السيده مشرفه باب قضايا الاعضاء
انا عندى مشكله غريبه جدا رغم كونى انسانه متفتحه وعندى حريه من والدى ووالدتى بس انا فعلا عمرى ماخنت ثقتهم ابدا
انما لاول مره ادخل منتدى لاجل كلمات انسان ما تضحكى على هدا فعلا اللى بشعر فيه
وانا للاسف ليس عندى باع باستخدام الشبكه العنكبوتيه بمعنى شبكه النت
كل يوم بدخل المنتدى اللى فيه هدا الانسان حتى وانا غير مسجله علشان اشوف هدا الانسان موجود ولا لا
علما انا لم اراه ابدا ولا عمرى تكلمت معه بس انا بحس ان كل كلمه بيكتبها موجهه لى انا
انا عارفه ان الاحساس هدا عمره ما شفتيه ابدا
وانا فعلا كلمت والدتى بالى انا فيه
وممكن اكلم والدى رغم ان فى فرق سن بينى وبينه وكل ده وانا اقسملك لم اراه ابدا او اتكلم معاه
انما انا بحس انه بيكلمنى من اشعاره وكتاباته وانا بكلمه كل يوم قبل ما انام
ممكن افهم منك الشعور هدا ليه
وارجوا منك ان لاتقولى ابتعدى عن خيالك لانى اعرف ان خيالى سوف يتحقق ويصبح حقيقه
من فضلك فهمينى عرفينى كلمينى او كلميه
على فكره هو انسان موجود عندك بالمنتدى
طائر الليل الحزين

طبعا هى مش مشكله ولا حاجه يا طائر الليل الحزين
انا بشوفك انسانه رومانسيه اكتر من اللزم وطبعا سنك بيجعل كل شئ ادامك نجوم تظهر ولابد تمسكيها بايدك
انا عارفه مين اللى بتتكلمى عنهوانه موجود بالمنتدى
بس يا طائر الليل الحزين انتى بتقولى انا بحبه من مجرد كلماته
وبتقولى انا بتمنى يراسلنى
معنى كده انك عمرك ما تكلمتى معاه ولا هو
ومش هاقولك ابعدى عنه علشان فرق السن اللى بينك وبينه
انا ها قولك اجلسى مع نفسك
وقولى هل فى انسانه تحب انسان مجرد تقرأ كلماته وبس ؟
مجرد جوابك مع نفسك ها تعرفى ان اللى انتى فيه احلام الانسانه الرومانسيه اللى بتشوف اى جزء من حياتها بمعانى كلمات هذا الانسان اللى انتى بتتمنيه
عموما بعد سؤالك لنفسك ابعتى وقوليلى ايه ردك وانا فى انتظار ردك
وممكن تساليه بنفسك ؟
هل انت تبادلنى نفس المشاعر رغم فرق السن بينا ؟
بعد ما تسالى نفسك وتسالى اللى انتى بتحلمى بيه
ابعتى لى وسوف اقف معك وبجانبك
LENA