LENA
رئيسة جمهورية المرأه العالمية
نائب المدير العـــــــام
 عدد الرسائل : 4801
العمر : 38
العمل/الترفيه : مديره علاقات عامه باحد وكالات الانباء
تاريخ التسجيل : 16/01/2009
 |  موضوع: موضوع جديد بعنوان{ ازاى تعكننى على زوجـــــــككك } انشاء الله يعجب حواء الثلاثاء 15 يونيو 2010, 1:59 am | |
|
ازاى تعكننى على جوزك......احنا بس بنهزر ازاى تعكننى على جوزك
بصوا ركزوا معايا واتبعوا الاتى
**لو فى مبارة فى التلفزيون**
من المعروف دايما أن البرنامج المفضل لدى الرجل هو مباريات كرة القدم ,
لذلك فإنه فرصه مناسبه لتحقيق أكبر قدر من رفع الضغط دون عناء كبير ....
لو شفتيه في قمة الحماس والتركيز يعني مثلا لو حصل زلزال وهوا مش حاسس او انفجرت قنبلة وراه وهوا ولا هنا اعملي كدا ...
اعملي نفسك سعتها ( ست البيت النشيطه ) وجيبي منظف الزجاج مع الفوطه ..
ويلا يا مسح..وهاتك يا نضافة.. ترشي الشاشه منظف وامسحي بحركه دائريه على الشاشه وحاولي انك ما تخليهوش يشوف ( ودي اهم حاجة )
واذا قال ابعدى
قوليله أنا مش فاضيالك أنا بنضف وبمسح
وبعدين روحى جيبى المكنسة واكنسى المكان اللى هو فيه
وحاولى كل شوية تكنسى قدام التلفزيون
يعنى لا صوت ولا صورة
وغطى عليه ولا يهمك
ولوقال ابعدى وحسيتى أنه هايحدفك بحاجة
قولى يعنى اسيب البيت كده والضيوف جايين في السكة
وبعدكده اعملى أنك نسيتى الكيك فى الفرن
ودوسى على رجليه واجرى وماتبصيش وراكى
وحاولي انك اثناء الجري تفصلي سلك التلفزيون برجلك
اجعلي من يوم عطلته يوم التنظيف العالمي اقلبي البيت راسا على عقب وكأن بعض اعمال الحفريات تدور هنا او هناك
اكتبي قائمة طلبات محبوكة كل طلب فيها في مكان مختلف عن الاخر والافضل ان يكون متباعدا
ولا تنسي ان تضيفي بعض الضروريات التي لا يخلو منها اي بيت واتركيه وحده يواجه مهمته المستحيلة.
عاد من العمل متاخرا في المساء تعباااااااااان خالص ما ان يضع راسه على الوسادة وبمجرد ان يغمض عينيه
وبمنتهى الرقة والحنان ايقظيه واطلبي منه ان يتاكد من اغلاق باب الشقة ومفتاح الغاز.
لااحد يعلم حتى الان سر تعلق الرجال بالريموت كونترول لذا على سبيل العكننة فقط ليس الا..يمكنك
اخفاء الريموت كونترول او استبدال بطاريته باخرى قديمة المهم لا تتركيه يهنأ بها
وانت ترتبين جواربه ضعي كل فردتين مختلفتين معا ومن الافضل ان تكون الوانهما متقاربة
حتى لا يكتشف ذلك الا في الخارج بعد فوات الاوان !
الفوطة كم يحبها جافة عند الصباح اسبقيه إلى استخدامها واتركيها مبللة لا ينبغي أن تفوتك
مشاهدته والماء يقطر من وجهه بحثاً عن فوطة جافة حتي لا يتأخر على عمله.
ما إن يعتاد على أماكن وترتيب خزانته وأماكن ملابسه بدليها فوراً، كل يوم في مكان شكل،
فهذا التغيير المستمر بدعوى التجديد سوف يفقده أعصاااااااابه على طووووووووول.
لا مانع أبدا من استخدام فرشاة الشعراو المشط الخاصة به ولا تزعجي نفسك بإزالة ما علق بها من شعرك،
لأن هذا مما يغيظ الرجل جداً، وبالطبع سيتأخر عن عمله أو موعده.
بمجرد أن تجلسي داخل السيارة إلى جواره لا تتردي في تغيير وضع المرآة لتعديل مكياجك وإلا فماذا فائدتها إذن؟
*عند النوم*
لما تحسى أنه دخل فى النوم وسمعتيه بيشخر
هاتى اى طفل يقابلك ابن اختك او اخوكى الصغيرين
ابن الجيران ان شالله ابن البواب
وبعدين... اقفلي عليهم الباب ... وسيبي الباقي عليهم . مش هيقصرو ماشاء الله عليهم !
وقوليله الأطفال احباب الله!
اوتعالى وهو فى سابع نومه وهزية جاامد
لحد مايصحى ميحسش بنفسه الا وهو قاعد
وبكل برود قولى (عايزين نخرج) !
ثانيا...
هناك طرق أخرى لرفع الضغط أثناء النوم وهي أخف ضررا على الطرفين ... منها :
- إطفاء المكيف في عز الحررر .
- فتح ستائر الغرفه حتى يدخل ضوء الشمس المعمي للعين ..
( ويفضل عمل الفقرتين السابقتين في وقت الظهر ..)
ولابأس من إضافه بعض من قطرات الماء في الأذن .
ولوشفتيه مش رايق ومالوش خلق
اوعى تخافى دى فرصتك تنتقمي منه
بس خلى بالك من حركات اديه
وحضرى مفتاح الاوضة التانية علشان هاتحتاجيه
واضحكى على شكله وعلى شعره وقعدته
وعلى هدومه
واذا قال ابعدى علشان أنا مش رايق
زودى العيار حبتين
ولو حسيتى باى غدر
لان طبعا هوا هيقوملك وهيوريكي هيعمل ايه.. انتي في الوقت ده امسكي هدومك في سنانك واهربي
استعملى مفتاح الاوضة التانية واقفلى على نفسك اهم حاجة رفعتى ضغطة وقومتية من مكانة!
*وقت المعركة*
ولو طقت فى دماغك وحبيتى انك تقومى
بمعركة انتى وهو
لازم تجهزى نفسك من كل ناحية
1/ اللبس:لازم تلبسى تريننج علشان يسهل الجرى
2/ القصة لازم تلميها وتعملى حفلة ايشاربات فى راسك
وانتبهى ولا خصلة تنزل من شعرك عشان ميشدهاش
واليوم ده ياريت تكونى حاطة حنة على راسك
علشان مايتجرئش يلمس شعرك
3/ مفتاح الاوضة لأن الإحتياط واجب
1اذا بدأت المعركة اوعى تبينى انك خايفة
وأول ما ايده تطول
ماتستسلميش اديلو بوكككككككس على عينية الاتنين علشان مايشوفش قدامو وخدي ديلك في سنانك وهاتك يا جريييييييي
وعلى طووووووووول
على الاوضة اللى مجهزة مفتاحها قبل كده
بس نصيحة اقعدى يومين لايشوفك ولا تشوفيه
لأنه عاوز ينتقم لكرامته
وممكن يوريكى النجوم فى عز الظهر
وعلى فكرة أنا اعرف دكتور تجميل حلو اوي..
يعني.. الواحد بردو يكون مجهز نفسو لأي حاجة
احنا بس بنهزر
احلى العكننا
LENA
 الموضوع الأصلي : موضوع جديد بعنوان{ ازاى تعكننى على زوجـــــــككك } انشاء الله يعجب حواء المصدر : منتدى كل العرب
|
|
Henwa
king
عدد الرسائل : 502
العمر : 32
تاريخ التسجيل : 12/06/2010
| |
قطرى وافتخر
مشرف منتدى ارض الرجال
 عدد الرسائل : 1009
العمر : 49
تاريخ التسجيل : 17/04/2010
| |
