ابراهيم يوسف
سوبر ستار
 عدد الرسائل : 257
العمر : 55
تاريخ التسجيل : 06/05/2010
 |  موضوع: رد: للطبخ معانى الإثنين 07 يونيو 2010, 8:29 am | |
|
تعاريف مطبخية } ~
|| الطبخ : قد يكون فِطرة و قد يكون مكتسب .. فا الطبخ له فن
أو كما يُقال بالعامية { نفس حلو } .. و يختلف هذا { النفس } من شخص للآخر حتى أنه يختلف
عن الأم و ابنتها...
|| المطبخ : المعمل السري للإبداع حتى لو صاحبته بعض الإخفاقات ..
فالإتقان سيأتي في يوم قريب ...
|| الشيف: رجلاً كان أو امرأة .. فهي وظيفة قد يحصل عليها أي أحد حتى لو لم يكن دارساً
لهذا القسم .. يكفي أن التلفاز و النت و المحيط يعتبرون أكبر مدرسة...
سؤال : كيف أُصبح شيف ؟ !
كل ما تحتاجون إليه هو بضع خطوات بسيطة ...
1 - القدرة على إقناع النفس: قبل الآخرين و هي أهم خطوة .. أي بكل بساطة ارتدوا مريلة الطبخ
و قفوا أمام المرآة و قولوابكل ثقة : أنا أحسن واحد - وحدة - في الطبخ .. أي شي أسويه يطلع
من يدي غييير ... حتى كآسة الموية لذيذة من يدي ...
2 - تجميع أكبر قدر من المعلومات : كما قُلت سابقاً تلفاز .. نت .. أمكَِ ... أهلكَِ .. صحباتك
أصحابك .. أي أكله ذقتوها في مكان خذوا الطريقة و لا تخجلوا .. لكن قبل الطريقة خذوا أوللقمة و
غمضوا عيونكم و اتخيلوا المكونات اعتمدوا على حواس التذوق عندكمو حزروا :
امممم أظن فيها طعم لوز ... شكلهم حاطين موية ورد ...
و لو جاتكم لحظة نقد لا تتجاهلوها بالعكس قولوا الصراحة : الهيل كثير خرب الطعم...
ثاني شي اتصفحوا كتب الطبخ القديمة و الجديدة شوفوا برامج طبخ ع الـ TV و لاتعتمدوا
على مطبخ واحد بس .. يعني مو تقولون إحنا عرب نتفرج عربي بس بالعكس شوفوا برامج عربية
و غربية و أهم شي انتبهوا إنكم تعتمدوا على برنامج طبخ واحد أو شيف واحد لأن الشيف ح يأثر
عليكم و ماراح يصير عندكم ابتكار بتكون أفكاركم محصورة في مدرسة هذا الشيف ... يعني لحد يقول
أنا أحب منال العالم ما أشوف غيرها مرة غلط شوفوا غيرها و كثير كمان ...
3 - النقد و التخيل ثم التطبيق : أعيد كلامي لو ما عجبكم أي شي انتقدوا بأدب أذواق الناس
مو زي بعض حتى لو كان شيف ع الـ TV عادي انتقدوه قولوا .. مو حلو... لا مرة ما يصير
.. استغفر الله يا ما عزّ النعمة.. عادي و إذا الأكلة ما عجبتكم طنشوها.. لكن لو عجبتكم بس
فيها أشياء ما تناسبكم اتخيلوا نفسكم مكان الشيفشيلوا إللي ما تحبوه و حطوا إللي تشوفوه مناسب ...
و ساعات اسم الأكلة حلو عادي خذوه و ركبوه على أكلة ماشية معاه و ساعات الشكل النهائي حلو لكن
المكونات مو حلوة برضو مو مشكلة حطوا مكوناتكم على الشكل و بيطلع فُل...
و في بعض الأكلات طريقة تحضريها معقدة شوي مو غلط إننا نسهلها لكن نكون متأكدين إن طريقتنا
صح وبتعطينا نفس النتيجة ...
لو كنتوا تتفرجوا برامج غربية أكيد بتشوفوا إنهم يضيفوا أنواع من مشروبات كحولية أو
خنزير و مشتقاته ... لا تحولوا القناة لو عجبتكم الأكلة بالعكس احفظوا اسم الخمرة و دوروا عليها
في النت شوفوا مصنوعة من إيش عشان تستبدلوها بشي حلال ...
إن شاء الله في آخر يوم لذا الأسبوع بضيف جدول للمشروبات الكحولية بدون شوفة نفس
... إختصار النقطة ذي : كونوا جريئين ...
4 - و ما بعد الفشل إلا النجاح : لا تيأسوا و لا تستسلموا خليكم قد التحدي حتى لو كررتوا
الأكلة أكثر من مرة عادي أول مرة تنخبص ثاني مرة يعني و بعدين بتصير تمام و بعدها بتوصل لدرجة
الإبداع ... و عادي لا تخجلوا من نفسكم انتقدوها زي ما تمدحوها : قولوا المرة ذي ما زبط المرة
الجاية بيزبط ... حتى لو كان شاهي عادي الغلط مو عيب...
5 - مواجهة التحديات : لا تخلوا من نفسكم شماعة زي حكم المباراة و انتبهوا تصيروا
فريسة للناس إللي حواليكم و أي مواجهة أو حوار صار معاكم استعملوا اسلوب دقة بدقة
فاشلين : يووووه ما أفكر أطبخ الريحة مرة يعو استغفر الله ..
إنتوا الحلوين : و لمن تآكلي مو يعو ؟ و الله إنك تآكلي أكثر مني ماشاء الله..
فاشلين : لا صراحة ما أقدر كيفتمسكوا لحم و دجاج و لا السمك يالطيف ..
إنتوا الحلوين : الحمد لله begin_of_the_skype_highlighting end_of_the_skype_highlighting إحنا في عام 2010 و من زماااااان أخترعوا القفزات و رخيصة ترى
100 زوج بـ 10 ريال و إن كثرت بـ 15
فاشلين : طيب و البصل شميتي ريحتو قبل ما تتفلسفي ؟
إنتوا الحلوين : وي إنتِ ما تدري ؟ !
الكمامات ليش جابوها ؟ مو بس عشان انفلونزا الخنازير ألبسي و قطعي عادي مرة
فاشلين : طيب أهم شي ريحة الطبخ تمسك في الجسم و الشعر
إنتوا الحلوين : وليه ما عندكم موية و لا مقطوعة ؟
استحمي بعد الطبخ و في كريمات و عطورات و كل شي
و بعدين يا حلوة ألبسي المريلة و لفي شعرك بـ بندانة و لا ربطة ما في أي مشكلة
طبعاً هذا حوار قد سمعتوا من كذا وحدة ف عادي أما الشباب ما أظن عندهم ذي الخرابيط
6 - صاحب بالين كذاب : ألغوا هذا المثل لمن تطبخوا و خلي عندكم 20 بال
ساعات بتطبخوا و معاكم ناس في المطبخ يكلموكم مرة عادي لا تخلوا كلامهم يشغلكم أو تخبصوا فيالطبخ
و ساعات كثيرة بيجوا ضيوف على فجأة وتلاقي الكل مربوش في المطبخ كل مين يسوي شغلة
و كل مين يحط يده في شي لا تتأففوا و تقولوا ليش ما دقوا قالوا إنهم بيجوا بالعكس خليكم عادي
و إش يعني الموجود بينحط فين المشكلة و ربي بيبارك كل شي أهم حاجة إنكم تمشوا و تشتغلوا
بسرعة مهما كان الجو إللي جالسين فيه
* نصيحة من جدة : جدتي الله يرحمها زيها زي الكبار عندهم الأكل إللي أتربوا عليه شي مقدس
عشان كذا من الآن أقولكم لا تفكروا تلعبوا بالأكلات الشعبية و لا تتجرأوا على شي مرة كبير لأنكم
بتسمعوا كلام شي فوق الوصف
يعني لحد يفكر يضيف لمسة مالها علاقة في الأكلة و لا وحدة تقول
بسوي دبيازة بحط عليها فراولة و لا بسوي كليجة بحشيها مربى توت ليه في فرنسا عايشين
* دبيازة : نوع من الحلويات الحجازية تعمل في العيد فيها قمر الدين و مشمش مجفف و مكسرات ..
* الكليجة : أكيد تعرفونها ماله داعي نشرح
|| همسة ||
حلو الإنسان لمن يكون بسيط من غير تكلف بتشوفون الصحون و الملاعق أشكال وألوان أمة محمد كلها عادي
لأني أطبخ إللي يطلع معايا بشتغل فيه مو مهم التكلف و التصنع مو حلو
خليكم زي ما انتوا في البيت ترى أهم شي الطعم و التقديم...
 الموضوع الأصلي : للطبخ معانى المصدر : منتدى كل العرب
|
|
