الفراشه المؤمنة
سوبر ستار
 عدد الرسائل : 238
العمر : 51
تاريخ التسجيل : 16/11/2009
 |  موضوع: احيانا نستعجل بالحكم على الناس الأربعاء 24 مارس 2010, 8:44 am | |
|
بسم الله الرحمن الرحيم
اليكم احداث قصه اعجبتني تفسر قول
احيانا نستعجل بالحكم على الناس
سواء بسوء او بخير...والمصيبه اذا بسوء وخصوصا مع اناس نثق بهم جدا,, وهذا مايجعلنا نعض اصابع الندم
السعودي والكويتي ... تعالوا هنا وشوفوا
كان فيه سعودي و كويتي زملاء يدرسون في بريطانيا
وبعد انتهاء فترة الدراسه قرروا يرجعون لاهلهم
فقال الكويتي للسعودي :::
قبل ما تروح للسعوديه تعال معي للكويت و بعدها اذهب للسعوديه فوافق السعودي وهم في الطيارة رايحين للكويت دق اخو الكويتي من الكويت وقال لاخوه ان جدتي ماتت
فقال الكويتي لاخوه انا معي زميلي من السعوديه وعازمه فلا تقولون له شي حتى ما يضيق صدرة ولا احرجه نصلي على الجنازة وكانها لاحد من جماعتنا لما وصلواصلوا على الجنازة وقعد السعودي له مدة في الكويت
اعجب ببنت جيران الكويتي و قال لزميله اني ودي اتزوجها
فرح الكويتي وقال انا مستعد اخطبها لك و فعلا خطبها له
وخبر السعودي اهله وسوو الزواج ورجع السعودي لبلده
وبعد مدة طويله كبرت تجارة السعودي وطلع تاجر وغني
والكويتي خسر كل امواله وتجارته
فقال مالي الا اروح لصديقي السعودي اكيد بيساعدني وفعلا راح للسعوديه وهو منتظر يرى زميله بفارغ الصبر
لما سال عنه ووصل لبيته وجده ساكن في قصر وكان الوقت متاخر فقال للبواب قل لراعي البيت ان زميلك من الكويت فلان بن فلان عند الباب وانه محتاجك وان حالته كذا وكذا
و بعد مارجع البواب عطى الكويتي شيء من عشى السعودي تخيلوا
فضاق صدر الكويتي وقال هذا جزاء الصداقه المهم
وهو راجع في الطريق! لقى رجالين (من رجال الاعمال)
يتراهنون على مليون اللي بيجيهم الاول بيعطونه المليون
وكان من حظ الكويتي انه هو اللي جاهم الاول واخذ المليون
و تاجر بها في السعوديه وقبل ما يرجع للكويت لقى عجوز معاها
بنت وقالت له العجوز اريد ترك البنت عندك واروح احج
اذا مارجعت تزوجها وخلها عند ك
لما طولت العجوز بعد الحج تزوجها وعمل حفله الزواج بالكويت وفي اثناء الزواج وكان من ضمن المدعوين زميله السعودي
لما شافه الكويتي غضب وقال اطردوة هذا خاين العشرة والصداقه
تخيلوا انه لما جا ءمعي للكويت
وكانت جدتي ميته ما علمته عشان مايضيق صدرة على وخطبت له بنت الجيران اللي كانت في الاساس خطيبتي وفضلته على نفسي ولما جيتله محتاج عطاني فضله عشاااااه
تدرون وش قال السعودي....؟! ؟؟؟
قال اسمعوا واحكموا علي ......
انا يوم جاني الكويتي وهو محتاج ماحبيت اشوفه على حالته هذه عقب ماكان تاجر كبير اشوفه صغير ومحتاج واتفضل عليه بشي من عندي عشان كذا عطيته فضله عشاي
وبالنسبه للتاجرين اللي متراهنين على مليون هم اخواني
انا طلبت منهم يفكون ضيقته
اما با النسبه للعجوز اللي معاها البنت فهذه امي والبنت هذه طبعا اختي
وش رايك ما احضر زواج اختي؟ هذا ما كنت انوي قوله
لا تستعجل بالحكم على المظاهر
رجاء من فضلك وليس امرا
ارسلها لغيرك فان الدال على الخيركفاعلة
فتجدها إن شاء الله لك شفيعة يوم القيامه
اللهم ارزقنا قلوباً خاشعة
وعيونا من خشيتك باكية
اللهم اجعلنا ممن يسمعون القول ويتبعون احسنه يارب العالمين
اللهم أجعل عملنا كله خالصا لوجهك الكريم
 الموضوع الأصلي : احيانا نستعجل بالحكم على الناس المصدر : منتدى كل العرب
|
|
ايمى
ملاك العـــــرب
عدد الرسائل : 1082
العمر : 61
العمل/الترفيه : طباخه لجوزى
تاريخ التسجيل : 01/05/2009
| |
اللهم امين سلمت يداكى وعيناكى ولسانك على الجمال والروعه دى