ما انت اللي غلطان بردو يا عم مرسي
......................................

حد يحط على مكتبه " واتقوا يوما ترجعون فيه إلى الله " !

حد يهدد حزب الله في إيران علنا وباللفظ !

حد يروح إيران ويصلي ويسلم على الرسول صلى الله عليه وسلم والصحابه !

حد يقول إن أكتر موقف أبكاه هو لما عرف ان طفل أمه بتاخد فلوس عشان تنزله يحدف ملوتوف !

حد يتكلم اللغه العربيه في عقر دار الغرب ، ويفتخر بلغته وثقافته أمام العالم كله !

حد يهدد إسرائيل انها لو مكفتش عن حرب غزة " فنفوسنا تتوق للصلاة في المسجد الأقصى " !

حد يقول " استوصوا بالأسر السورية خيرا " ، ويجعلهم مثل المصريين في المعاملة في مصر !

حد يهدد الفساد والمفسدين بكل وضوح " احذروا غضبة المصريين شعبا وقيادة " !

حد يختار ناس مش بتسرق ولا فاسدين في مناصب الدولة !

حد يعين وزير تموين زي دكتور باسم عوده يرجع حقوق الغلابه في العيش والتموين !

حد يبدأ يعمل مشروع زي محور قناة السويس ده !

حد يقف أمام شعبه في ميدان عام ويفتح صدره ليدل على ثقته فيهم وحبهم له أمام العالم كله !

حد بيتكلم أمام العالم كله بآيات ربنا !

حد بيخطط لإستكفاء ذاتي من القمح حتى لا نمد يدنا لأمريكا كل عام !

حد يقول " نسعى لإمتلاك غذاءنا وسلاحنا ودواءنا " !

حد قالها صريحه للعالم كله " رجال لا يقبلون الضيم ولا يرضون الدنية من شرعيتهم ودينهم " !

حد يقول " أنا شوفت دول متقدمة كتيييير واتمنى مصر بلدي تكون زي الدول دي وإن شاء الله ستكون " !

كان لازم تبقى ضعيف ، عميل ، لا تريد الخير لبلدك ، تعين الفاسدين في مناصب الدولة ، ترضى تدخل دول في مصير بلدك ،،

كان لازم تبقى خاين ، كان لازم تذل شعبك عشان شعوب تانيه تعيش على خير بلدنا !

كان لازم تعمل كده عشان يسيبوك !

وإلا هيجيبوا اللي يعمل كده وأكتر ويتحدوك وكل الأحرار في بلدك أمام العالم كله !

بس أنا واثقه انك قد تحدي هؤلاء ، واحنا وكل الأحرار معك ولن نرضى بغير النصر والخير لبلدنا !

أنت أول رئيس لوطني ، وأرجل وأصدق رجل حكم دولة في العالم !

والله لن يخذلك الله أبدا !